Македонските власти на чело со премиерот Заев одбивале да преговараат со руски и кинески претставници за набавка на неевропски вакцини со цел на ЕУ и НАТО да им докажат дека Македонија има прозападна влада.
Ова во текст за балканските земји кои имаат катастрофален биланс во набавка на вакцини против Ковид-19 го открива весникот Фајненшл Тајмс.
Македонски официјални лица за весникот предупредуваат дека руска или кинеска помош во вакцини може да го наруши кредибилитетот на ЕУ во регионот.
„Некој може да ја искористи ситуацијата и да каже дека во време на тешкотии Кина и Русија помагаат, додека западните влади не успеваат“, изјавил официјален претставник од Македонија.
За разлика од претседателот на Србија Вучиќ кој соработува со Пекинг и Москва а во исто време продолжува со процесот на пристапување во ЕУ, што не им се допаднало на Брисел и Вашингтон, пишува ФТ.
Според весникот сега откако не добиле вакцини од ЕУ Балканските лидери се чувствуваат како да се напуштени.
„Сакавме да одиме на западни вакцини за да покажеме каде припаѓаме како држава и првично ја исклучивме можноста за преговори со Русите и Кинезите“, изјавил официјален претставник на Македонија за „Фајненшл тајмс“.
Но според неименуваниот претставник македонаката влада сè потешко може да ги оправдува одложувањата.
„Бидејќи има други земји во Европа како Унгарија кои примаат кинески вакцини [вакцина Синофарм], би било тешко да им се објасни на луѓето зошто ги чекаме Pfizer, Moderna и AstraZeneca“, рекол македонскиот претставник зборувајќи за трите компании кои произведуваат вакцини одобрени од ЕУ.
Целиот текст на англиски јазик на линкот подолу
"We wanted to go for western vaccines to show where we as a country belong, and initially excluded the possibility of negotiating with the Russians and the Chinese,” an official from North Macedonia told me.
But he said his government was having an increasingly hard time…— Valerie Hopkins (@VALERIEin140) February 2, 2021
