Во синоќешното „Само интервју“ на Канал 5 телевизија, премиерот прозборе и за реакцијата на поранешниот претседател и основач и лидер на СДСМ, Бранко Црвенковски кој по подолго време се јави во јавност со реакција на интервјуто на Заев за БГНЕС.
Прашан дали тоа го доживеал како „удар во грб“ и дали разговарал потоа со Црвенковски, рече дека не, а дека реагирала партијата со соопштение кое претходно и тој го видел, го искоординирле и го пуштиле во јвност.
„Не. Како право демократски го доживеав. Еден дел ми беше специфичен. Бившиот премиер и бившиот претседател на државата се обрати кон социјалдемократите. Тој треба да се обрати кон граѓаните и да ги каже своите ставови….
Во интервјуто (црвенковски -н.з.) вели дека замрзнува нешто. Мислам, замрзнато е тоа одамна, не е сега замрзнато“ рече Заев.
„Јас очекувам да имам претседатели живи и здрави овде во државата коишто ќе бидат како еден Стипе Месиќ, коишто ќе бидат како, не знам, Јосиповиќ, коишто ќе бидат активни чинители, ќе бидат коректив, ќе градат свои ставови, ќе кажуваат свои ставови. Јас го доживеав тоа како демократско право. Но, апсолутно, нормално потврдив, дека секој може да свика Централен одбор. Централниот одбор, кај нас, овие прашања ги има претресувано неколку пати“, рече Заев во интервјуто.
