Премиерот Зоран Заев во синоќешното интревју за ТВ21 не ја исклучи мошноста на нови рестриктивни мерки.
„Се размислува и за некоја форма на карантин или други рестриктивни мерки. Ги правиме анализите и ќе стигнеме до следните чекори. Мнозинството во комисијата е на ставот дека полициски од 21 часот нема да даде некои резултати, додека ако биде од 17 или од 18, ќе има подобри резултати. Сето тоа сега се одмерува и овие денови ќе биде одржан состанок на Советот за безбедност кај претседателот Пендаровски и можно е таму да се дефинира некоја од мерките“. рече Заев.
Можноста за полициски час, вчера, не ја исклучи ниту министерот за здравство Венко Филипче, иако и тој оцени дека преносливоста на ковид-19 е намалена.
