Лидерот на Движењето за промени, Фофи Генимата, во интервју за весникот „То Вима“ побара предвремени избори во земјата.
Одбројувањето за изборите започна, рече таа и додаде дека владата се преправа дека сè е во ред додека се обидува да добие политичко време и ветува „лажен“ излез од програмата за излез од кризата.
И лидерот на Неа демократија Киријакос Мицотакис во петокот рече дека избори се итно потрени за да ја „ослободат“ земјата, дека премиерот Алексис Ципрас е „патетичен“, а неговата администрација е најлоша од обновувањето на демократијата во 1974 година.
„Тој веќе е историја, нема апсолутно ништо што да му каже на грчкиот народ“.
