Во герила акција пред трговскиот центар Соравиа каде газда на 39 насто од објектот е внукот на Али Ахмети раководството на ДУИ доби симболична порака:
“За вас Соравија, Лотарија, Арбериа, Еуровиа, за нас само Германија”.
Акцијата ја организираше Европскиот сојуз за промени составен од партиите на Билал Касами, Изет Меџити и Африм Гаши кои денеска упатија пораки до раководство на ДУИ и до граѓаните.
Местото на акцијата е избрано затоа што Европскиот сојуз за промени смета дека Соравија е симболот на корупцијата на ДУИ.
,,Почитувани граѓани, денеска – по повод Меѓународниот ден за борба против корупцијата – ние, младите од Европскиот сојуз за промени, сме овде пред Трговскиот центар „Соравија“, кој сега е познат како трговскиот „Али Ахмети“. Сакаме симболично, преку оваа акција и блокирање на овој пат, да се сврти вниманието на јавноста и да се расчисти дека корупцијата има свое име.
На денешен ден кога Обединетите нации ја одбележуваат 20-годишнината од Декларацијата за борба против корупцијата, со која се изјаснија дека причината за проблемот со неразвиеноста во светот е токму корупцијата, ова не потсетува на списокот на Транспаренси Интернешнл каде Македонија секоја година паѓа на листата.
А како би можел овој пад да запре и како да не биде ова ниво на корупција, кога се шпекулира дека првиот човек на албанската партија Демократска унија за интеграција е вистински сопственик на овој трговски центар вреден неколку милиони евра? Се разбира, тој не е ниту единствен, ниту прв, ниту последен. Али Ахмети Соравија е само симболичното име на корупцијата во Македонија и тој и неговите соработници се оние кои со својата корупција, незаконски проневери милиони евра од граѓаните, станаа вистински причинители за масовната миграција на нашите граѓани од земјата.
Затоа денеска симболично ги донесовме посмртните останки на семејствата кои во меѓувреме не напуштија. Секое семејство што побегнало поради овие корумпирани политичари оставило зад себе чанти, книги, тетратки и детски играчки, барајќи подобар живот за своите деца. Денеска овие овде му ги оставаме на сопственикот на Соравија, за да ги има како спомен на сите оние семејства што тој и неговите соработници ги избркаа од своите домови. Нека знае целата јавност дека само од 2002 година од Македонија се иселиле над 300.000 луѓе. Толку не чини богатењето на семејството Ахмети е Груби.
За да го запреме овој негативен тренд и овој егзодус, тука сме да укажеме дека 8 мај 2024 година е последниот момент кога ќе го извлечеме нашиот европски пат не со бегство во Европа, туку со носење на Европа во нашата земја.
Ние во ЕУ – корумпираните во затвор”, порача Европскиот сојуз за промени на денешниот настан пред трговскиот центар кои тие го нарекуваат Али Ахмети.
Галерија
