„Отворањето на преговорите со Европската Унија не зависи од нас, она што секогаш зависи од нас е како ќе живееме со соседите и пријателите“, порача на официјалното отворање на Самитот на „Отворен Балкан“ во Охрид, српскиот претседател Александар Вучиќ.

Според него, напредокот на регионот е суштината на иницијативата „Отворен Балкан“.

„Сакам да истакнам дека суштината на оваа иницијатива е да се формираат работни групи сега или на следниот состанок кој сакам да биде во јужна Србија, со што би се активирале владите да се надминат проблемите на целиот регион, проблемите со енергетската криза, финансиската и културната легислатива. Доколку сакаат да учествуваат во формирањето на работните групи, во тие договори добредојдени се и претставници на Црна Гора, Босна и Херцеговина и Приштина. Денеска потпишуваме договори за работните дозволи, развој на туризмот, здравството, образованието“, рече Вучиќ.

Тој се оосврна и на односите меѓу Србија и Македонија.

„Браќа Македонци, ние немаме билатерални проблеми, решивме проблеми кои беа стари 50-60 години, изјави српскиот претседател“, Александар Вучиќ