Претседателот на Србија, Александар Вучиќ во врска со проблемите со кои во Австралија се соочува најдобриот тенисер на светот Новак Ѓоковиќ, изјави дека се слушнал со него синоќа и утринава, но се плаши дека „ваквото политичко изживување врз него ќе продолжи за тие да докажат некои други работи, затоа што кога не можеш некого да победиш, тогаш се занимаваш со вакви работи”.
-Не е фер да се води општа политичка хајка, во која учествуваат сите, од австралискиот премиер… преправајќи се дека правилата важат за сите, а да пуштите повеќе тенисери под исти услови под кои Ѓоковиќ не е пуштен, кажа Вучиќ.
Тој изјави дека во напорите да му се помогне на Ѓоковиќ активно е вклучено српското Министерство за надворешни работи, кое е во контакт со австралиската амбасада во Белград.
