По барањето на осудените за „27 април“ за повторно судење, Врховниот суд соопшти дека ги одбил барањата како несоновани.

„Советот за казниви дела при Врховниот суд на Република Северна Македонија на седницата одржана на ден 26.04.2023 година, продолжена на ден 03.05.2023 година, одлучуваше по поднесените барања за вонредно преиспитување на правосилна пресуда по предметот познат во јавноста како ‘27 април‘.
Советот за казниви дела при Врховниот суд на Република Северна Македонија донесе пресуда Квп.Кок2. Квп бр.14/22 со која барањата за вонредно преиспитување на правосилната пресуда на Основниот кривичен суд Скопје КОК.бр.40/18 од 15.03.2019 година и на пресудата на Апелациониот суд Скопје КОКЖ.бр.39/19 од 12.02.2021 година, ги одби како неосновани“, се наведува во соопштението од Судот.

Пред два месеци Собранието го одби предлог-законот на ВМРО-ДПМНЕ за амнестија на осудените за „27 април“, односно за насилниот упад во македонскиот законодавен дом во 2017 година, а претходно Апелација ги намали казните на осудените.