Светот го регистрираше својот најтопол ден досега во понеделникот, бидејќи температурите се зголемија низ целиот свет, покажуваат податоците објавени од американскиот Национален центар за предвидување на животната средина (NCEP).
Владиното тело на САД, кое доставува национални и глобални климатски насоки и прогнози од неговото седиште во Мериленд, во вторникот соопшти дека во понеделникот забележало просечна глобална температура од 17,01 Целзиусови степени (62,62 F). Ова го надминува претходниот максимум од 16,92 степени Целзиусови (62,46 F) од август 2016 година.
„Ова не е пресвртница што треба да ја славиме“, рече во вторникот климатологот Фридерике Ото. „Тоа е смртна казна за луѓето и за екосистемите“.
Предупредувањето доаѓа бидејќи многу јужни американски сојузни држави останаа под контрола на екстремните горештини во последните денови. Корпус Кристи, град во Тексас, регистрираше рекордна температура во јуни од 51 степени Целзиусови (125 F). Слични температури се забележани и во Оклахома, Арканзас, Мисури и Луизијана.
Во меѓувреме, Кина забележа продолжен топлотен бран, за време на кој Пекинг доживеа речиси десет дена по ред каде температурите надминаа 35 степени Целзиусови (95 F). Некои региони во Северна Африка забележаа температури кои се приближија до 50 степени Целзиусови (122 F).
Дури и Антарктикот, кој моментално е во зима, неодамна доживеа релативно благи температури од 8,7 степени Целзиусови (47,6 F), соборувајќи го својот јулски рекорд.
Климатските научници велат дека климатските промени, заедно со силната шема на топлото време на Ел Нињо, се одговорни за невообичаено високите температури – и дека ќе бидат уште повисоки.
Зеке Хаусфатер, истражувач во групата за анализа на податоци за температурата на земјата во Беркли, во изјава за Ројтерс рече дека тековната временска аномалија е „само прв во серијата нови рекорди оваа година“.
