Само 25 проценти или секој четврти бегалец од Украина во Германија работи, пишува „Билд“, што е многу помалку во споредба со 78 отсто во Данска, 66 отсто во Чешка, 65 отсто во Полска, по 56 отсто во Шведска и во Велика Британија и 50 отсто во Холандија.
Експертите сметаат дека Германија обезбедува услови кои не ги мотивираат Украинците да работат – државата плаќа додаток од 563 евра, до 471 евро по дете и покрива домување и дополнителни трошоци.
Чешка – 200 евра за итна помош и уште 130 евра по пет месеци. Медицинското осигурување и трошоците за хостели се покриени само за ограничен временски период.
Полска – 66 евра паушално плаќање и детски додаток 110 евра месечно. И по четири месеци треба да платите и половина од трошоците за колективно сместување. Полскиот државен економски институт очекува дека веќе во 2023 година украинските бегалци ќе имаат повеќе даночни приходи отколку трошоци.
Друг фактор е што 72 проценти од Украинците во Германија имаат високо образование и се сметаат за преквалификувани. Но, процедурата за потврдување на образованието е многу долга.
Во Италија и Словачка на лекарите и на фармацевтите им е дозволено да работат во здравствениот систем од март 2022 година. Иако често им недостигаат јазични вештини.
