Секој има право на свое мислење, на членување во организација, друштво или партија. Но, никој нема право од другите да прави будали и да ги убедува дека иницијативата што ја предводи е без било каква политичка позадина, ова денеска на прес конференција го изјави портпаролката на битолската СДСМ Невена Димовска додека пред јавноста објавуваше фотографија на жената која е една од повеќето предводници на Фејсбук група која се бори против мерките за дигитализација на образованието на министерката Царовска.
„Ова почитувани граѓани, почитувани родители и ученици е Драгана Спасевска, предводничката на Фејсбук групата “Учебници и настава мора да има”, фотографирана на завршниот митинг на ДПМНЕ во Охрид, на 21 октомври 2016 година”, изјави Димовска на прес конференцијата.
Спасевска е една од десетиците луѓе кои ја формираа групата “Учебници и настава мора да има”, каде не се дозволени партиски и политички памфлети и каде се зборува исклучиво за образовни теми во контекст на реформите на образованието.
Заедно со Спасевска во групата има и други 75 илјади луѓе, меѓу нив и членови и симпатизери на други партии вклучително и од СДСМ но денеска тие се фокусирале само на Спасовска.
Практиката на заокружување на неистомисленици ја започна ВМРО-ДПМНЕ кон крајот на својот мандат.
Истата практика сега ја користи и владеачката СДСМ.
Деталите за заокружувањето на ТВ Тера
