Пленарната собраниска седница за уставните амандмани е одкожена за 16 часот, објави претседателот на Собранието Талат Џафери кој не откри зошто е одложена седницата.
Пратениците на денешната 75. седница ќе ги утврдуваат предлог – амандманите XXXIII, XXXIV, XXXV и XXXVI на Уставот на Република Македонија, по што следува нивно донесување и прогласување.
Пред почетокот на собраниската седница генералниот секретар на СДСМ и пратеник Александар Кирацоски на прес-конференција информира дека владеачката коалиција има најмалку 80 пратеници за усвојување на уставните измени.
За прогласување на амандманите е потребно двотретинско мнозинство, односно за нив да гласаат 80 од вкупно 120 пратеници во Законодавниот дом. По прогласувањето на амандманите пратениците треба да го изгласаат и уставниот закон за нивно спроведување.
