По вчерашната смена на директори , Владата го задолжила Трудовиот инспекторат да изврши вонреден инспекциски надзор во работењето на синдикатот на М-НАВ.
„ Владата воедно го задолжи Инспекторатот за труд да изврши вонреден инспекциски надзор за работењето на синдикалните организации во рамки на Акционерско друштво во државна сопственост за вршење на дејноста давање услуги во воздухопловна навигација „М-НАВ“ А.Д. – Скопје и за истото да ја информира Владата.“ се вели во соопштението од владината прес служба.
Од Синдикатот изразија подготвеност за соработка со институциите, нема загриженост поради неочекуваниот инспекциски надзор.
Инаку, првично најавениот штрајк е привремено прекинат, во очекување на спроведувањето на владините одлуки за новите директори.
