Словенија ја тресе корупциски скандал поврзан со набавка на респиратори за пациенти со Ковид-19.
Вчера бил приведен министерот за економија Здравко Почивалшек, кој е осомничен за сомнителната набавка. Според иследниците, Министерството за економија набавило по превисока цена заштитна облека и респиратори за тешко болни пациенти од Ковид-19. Освен тоа, при набавката биле фаворизирани одредени фирми, иако материјалот не бил соодветен, тврди истрагата.
Почивалшек, кој ги отфрла обвинувањата, беше во притвор неколку часа, пренесе Дојче веле.
„Наместо владата да се занимава со проблемите на луѓето, сите ние треба да се справиме со криминални работи што ги достигнуваат нејзините врвови“, се вели во соопштението на Тања Фајон, новиот претседател на словенечките социјалдемократи.
