Скандалот со враќањето на авансот за кинеските вакцини кој беше објавен откако ВМРО-ДПМНЕ ја откри првичната информација според владата можел да биде скриен.
Министерката за одбрана, Радмила Шекеринска, вели дека доколку сакале можеле да сокријат дека кинеската компанија за производство на вакцини ни го вратила платениот капар, пренесуваат повеќе медиуми.
„Сакам да зборувам за работи кои што целосно ги познавам и во кои сум учествувала, мислам дека најсоодветно е да не се мешаме во работи во којшто информациите ги имаме од Влада, но и од она што јавноста е достапна. Ако нешто можевте да забележите во изминатава година, и мислам дека тоа понекогаш може да нѐ прави и послаби, меѓутоа мислам како држава тоа е чекор во вистинска насока, тоа е дека никогаш информациите не ги криевме од јавноста, и кога се добри вести, и кога се лоши вести. Можеше ова да не го кажеме, за да добиваме помалку прашања, но тоа не е начин на кој функционира оваа Влада. Подобро е да ги кажеме проблемите со кои се соочуваме“, рече Шекеринска одговарајќи на новинарско прашање.
Таа вели дека за истите фрустрации и незадоволство од набавката на вацини може да се слушне од многу земји членки на Европската Унија.
„Најголемата група на земји која што во принцип се сметаше дека ќе го диктира темпото, но дури и тие се соочија со проблеми со дел од производителите и со обезбедување на потребните количини“, вели таа.
Откако предходно ВМРО-ДПМНЕ објави првична информација Министерството за здравство вчера потврди дека бил вратен авансот што беше уплатен за набавка на кинеските вакцини од „Синофарм“.
Предходно Шеќеринска изјави дека Владата можела да набави вакцини ама не сакала граѓаните да се почувствуваат како заморчиња.
