Од утре и во пресрет на Велигденските празници, килограм домати и краставици ќе се продаваат по максимум 95 денари, килограм пипер до 100 денари, а кромидот поскапува за десет денари и ќе се продава за 70 денари за килограм
Ова е резултат на владината одлука за одмрзнување на цените на дел од овошјето и зеленчукот што стапи на сила на 5-ти април.
Од утре гравот ќе може да се купи за 95 денари, а леќата ќе рипне на 110 денари.
Според владината Одлука, килограм банани ќе чини до 75 денари, килограм портокали до 60, килограм мандарини до 65 и килограм лимони до 60 денари. Одлуката ќе биде на сила до крајот на април. Во меѓувреме инспекциите се на терен и вршат контроли дали се почитуваат владините мерки, дознава Дојче веле.
„Контролите ќе продолжат, ситуацијата секојдневно ќе се следи и ако е потребно, повторно ќе се интервенира доколку забележиме намалени увозни цени. Граѓаните да бидат спокојни“, порача денеска министерот за економија, Крешник Бектеши.
Корекцијата на претходно замрзнатите цени се носи поради повисоките увозни цени коишто ги пријавиле увозниците, а последнта неделабиле забележани зголемени увозни цени за над 30 отсто на одредени производи како што се доматите, краставиците, кромидот и гравот.
