„Виз Ер“ времено ќе укине две линии од Скопје

Од средината на јануари до средината на март Авиокомпанијата „Виз Ер“ ќе ги укине редовните линии од  Скопје – Луксембург, Скопје – Болоња како и авио-линијата Дортмунд – Ниш.



Во Охрид летовите до Виена ќе се намалат од првично планираните четири, на три неделни летови, додека во Приштина авиокомпанијата ќе ги намали услугите на линијата Меминген од седум на пет неделно.

Причина е глобалниот проблем со моторите произведени од „Прет и Витни“.

Добавувачот на воздухопловната и матична компанија на „Прет и Витни“, „Ер-Ти-Икс“ врши контрола на квалитетот на моторите инсталирани во стотици авиони ширум светот, кои треба да се отстранат и испитаат.

„Компанијата продолжува да презема активности за да го ублажи секое финансиско и оперативно влијание и ќе бара финансиска компензација од „Прет и Витни“, соопштија од „Виз Ер“.