Над 30 милијарди долари исчезнале од банкарските сметки на Венецуела во странство во последните два месеци, обвини министер за комуникации и информации на Венецуела, Хорхе Родригез.
Во изминативе два месеца биле украдени над 30 милијарди долари, рече тој, пренесува Тасс.
„Средствата кои Венецуела има во различни банки, се извлекуваат. Тоа се врши по директна наредба на администрацијата на американскиот претседател Доналд Трамп”, соопшти министерот.
Обвинувањата на Родригез дојдоа веднаш откако лидерот на опозицијата Хуан Гуаидо – самопрогласениот претседател на земјата – изјави дека дипломатскиот и економскиот притисок врз венецуелската влада функционира.
„Владата на Мадуро е изолирана и пропаѓа секој ден“, изјави Гуаидо.
