Професорката Билјана Ванковска со коментар за двегодишнината од потпишувањето на Преспанскиот договор.
„Две години откако ја ‘омажија’ Македонија во богата фамилија… Излезе како во народната: кога се мажеше, што ти се чинеше?
Ете, ‘името’ не само што не нè храни, туку државата дури стаса да проси од граѓаните: малку што плаќаме даноци, туку и хуманитарни донации да сме давале!?! А богами и двојазичните табли не помагаат за справување со пандемијата…
Овој ден ќе остане за мене еден од најтрауматичните во животот: ми почна со гнев и солзи од мака, ми заврши со гушење од солзавец (гласните жици ми се оштетија трајно и имам проблем при подолго зборување). И две години не запрев со пишување – ова што ѝ го направија на Македонија е настан без преседан, или поточно нешто што може да се спореди само со постапките на колонизаторите кон колониите. Do Macedonian lives matter? I wonder…“, реагира Ванковска.
