Вакцинацијата против грип почнува утре за ризичните групи граѓани кои изразија интерес на страницата Вакцинација.мк.
Вакцините утринава пристигнаа на три вакцинални пунктови во Скопје.
„Утре почнуваме со вакцинација на пунктовите Бит Пазар, Идадија и Букурешт. На пунктовите на Бит Пазар и Идадија работното време е од 8 часот наутро до 19 часот навечер, а Букурешт ќе работи само во втора смена, од 14 до 19 часот. Граѓаните кои се пријавија и добија термин преку СМС порака, ќе бидат повикувани во наредните денови. Веќе добивме список со закажани пациенти и на располагање ни се 60 илјади вакцини. Екипирани сме доволно. Препораката е да се заштитат повозрасните лица од сезонскиот грип кој може да биде сериозна работа за нив, како и хронично болните, бремените жени и децата до 5 години, изјави за „Слободен печат“ доктор Виктор Исјановски.
