Министерот за транспорт и врски Благој Бочварски вели дека цената на автопатот Киќево-Охрид се зголемила за уште 200 милиони евра.
Во синоќешното гостување на „Click Plus“ на ТВ21 тој рече дека надмината цената 598 милиони евра заклучена 2018 година, пренесува „Лидер“.
Министерот вели дека овој автопат е дел од Коридорот 8 и започнал да се гради од 2013-2014 година, но при самата изградба се појавиле голем број на проблеми.
„Се работи за обрушување на косини кои при проектирањето се проектирани со помалку или недоволно геомеханички испитувања. При тоа се покажува дека тој терен и тие косини се нестабилни при изградбата. Така што, во овој период се изврши репроектирање на 25% од целата оваа делница Кичево – Охрид, што значи дека косините се ублажија таму каде што е потребно, се испроектираа клучките.. Имаме готов нов проект, обновен со ревизија кој што бара дополнителни средства за да конечно целиот овој проект биде реализиран, посочи Благој Бочварски.
