Запирањето на Русија е заедничка мисија на сите цивилизирани земји, изјави советникот на украинскиот претседател Михајло Подољак.
„Зошто светот посветува повеќе внимание на Украина отколку на Африка или на Истокот? – Таков наратив промовираат руски агенти“, напиша тој на Твитер.
Војната во Украина не е локален конфликт – тоа е прашање каков ќе биде светот утре, додаде тој.
Ако и се дозволи на Русија да победи, „ќе ја отвори Пандорината кутија и ќе го турне човештвото во темните векови“.
Подољак дополни: „Секој автократ би можел да предизвика територијални конфликти, да зазема земји и да истребува нации.
Според него, Русија е варварска земја, а варварите можат да бидат запрени само со сила.
„Запирањето на Русија е мисија на сите цивилизирани земји. Има време, но треба да побрзаме“.
