Украина е „еден од нас и ние ги сакаме во Европската унија“, изјави Урсула фон дер Лајен во интервју за Еуроњуз.
Интервјуто доаѓа по објавата на Брисел дека испраќа оружје во Украина, ги забранува медиумите поддржани од Русија во ЕУ и забранува руски авиони.
Но, и покрај поддршката на Украина за членство во ЕУ, таа не даде никакви индикации дека тоа ќе биде брз пристап што го побара претседателот Володимир Зеленски во саботата.
Зеленски бара итно членство во ЕУ
„Имаме процес со Украина што е, на пример, интегрирање на украинскиот пазар во единствениот пазар. „Имаме многу блиска соработка на енергетската мрежа, на пример“ рече шефицата на ЕК во интервјуто.
Воврска со актуелната ситуацијаи можноста за мировни преговори меѓу Украина и Русија, Фон дер Лајен оцени дека довербата во Владимир Путин е „целосно скршена и еродирана“.
„Се разбира, важно е украинската страна да се согласи на мировните преговори и дека условите се добри за украинската страна. Генерално, секогаш е подобро да има мир разговори отколку да се караат.
Но, довербата во претседателот Путин е целосно скршена и нагризана“, вели Фон дер Лајен.
