Претседателот на Украина Володимир Зеленски најави нова владина програма, според која Украинците на возраст над 60 години и вакцинирани против Ковид-19 – ќе добијат бесплатен паметен телефон и повластена тарифа, пренесува Интерфакс.
„Пред две години започнавме курсеви за дигитална писменост за постарите лица, а на пролет ќе започнеме нова широка владина програма. Сите вакцинирани Украинци над 60 години кои сакаат ќе добијат бесплатен висококвалитетен модерен паметен телефон и повластена тарифа“, најави претседателот.
