Турција го информирала НАТО дека ратификацијата на кандидатурата за членство на Шведска нема да биде завршена навреме за да се одржи церемонијата за пристапување на земјата на состанокот на министрите за надворешни работи на алијансата следната недела, пренесува Ројтерс.
Министрите за надворешни работи на земјите од НАТО ќе се сретнат во Брисел од 28 до 29 ноември. Некои членки на Алијансата се надеваа дека токму на овој состанок официјално ќе се прослави приемот на Шведска.
Минатата недела, комисијата за надворешни работи на турскиот парламент го одложи гласањето за кандидатурата на Шведска за членство во НАТО за да се одржат дополнителни разговори за ова прашање.
За да биде ратификуван, нацрт-законот мора да биде одобрен од Комитетот за надворешни работи на Турција пред да биде ставен на целосно парламентарно гласање, што може да се случи неколку дена или недели подоцна.
Ердоган потоа треба тоа да го потпише како закон.
Овие чекори ги фрустрира сојузниците на Анкара и ги тестира нејзините односи со Западот.
Иако Унгарија, друга членка на НАТО, исто така допрва треба да го ратификува членството на Шведска, Турција се смета за главна пречка за Шведска да се приклучи на алијансата.
