Доналд Трамп сепак може да заврши на суд, благодарение на 44-годишната порно ѕвезда Сторми Даниелс.
Нејзиното вистинско име е Стефани Клифорд, но повеќе го сака името по кое стана позната во индустријата за филмови за возрасни. Таа е родена во Батон Руж, Луизијана, а нејзината мајка ја одгледала откако нејзините родители се развеле. Како дете била запоставена, а имала девет години кога била сексуално злоставувана од постар маж, напиша таа во мемоарите објавени во 2018 година.
За да заработи за живот, таа прво се сврте кон стриптизот, а потоа и кон порно индустријата, каде што стана ѕвезда, режисерка и сценарист и освои неколку награди.
На пошироката американска јавност и стана позната по врската со Трамп.
Таа го запознала за прв пат во летото 2006 година на хуманитарен голф турнир.
Тогаш имала 27 години, а Трамп 60. Според неа, тој ја поканил на вечера во својот стан и ја дочекал во пижами, удобно потпрен на каучот по што се вклучиле во, како што таа го опиша „најдосадниот секс во нејзиниот живот“.
Трамп негира дека некогаш бил интимен со Даниелс и ја обвинува за „изнуда“ и „тотална измама“.
Она што со сигурност се знае е дека Даниелс добила 130.000 долари за нејзиниот молк во пресрет на претседателските избори во 2016 година. Исплатата е дел од истрагата на Окружниот суд на Менхетен за можни прекршувања на законите за финансирање на кампањата.
Кога таа финансиска трансакција излезе на виделина во 2018 година, Даниелс побара од судот да го поништи договорот за тајност со Трамп и почна да се појавува на телевизиски емисии.
Во емисијата Шеесет минути на CBS, Даниелс ја даде својата верзија на настаните. „Јас не сум жртва“, рече таа јасно и одлучно, додавајќи дека иако Трамп не и бил привлечен, нивната врска била доброволна. Трамп и ветил дека ќе се појави во популарната серија The Apprentice (Приправник), која го прослави.
Трамп во изминатите денови најавува дека ќе биде уапсен поради плаќање на споменатите 130.000 долари и ја бомбардира Сторми со разни грди прекари.
Таа не му останува должна. Таа, меѓу другото, го нарекува со прекар „малечко“, исмевајќи одреден дел од неговата анатомија.
Иако Сторми Даниелс создаде многу непријатели меѓу своите поддржувачи поради плукањето со Трамп, тоа воопшто не влијае на неа.Индекс.хр
