Американскиот претседател Доналд Трамп вели дека САД имаат на нишан 52 ирански цел кои ќе бидат нападнати доколку Иран нападне Американци или американски имот.
„Држиме на нишан 52 ирански цели некои многу важни за Иран и иранската култура и ако Иран нападне Американци или американски добра… Иран ќе биде нападнат многу брзо и многу силно“, твитна Трамп.
Трамп рече дека се избрани 52 цели симболично ги претставуваат 52-та Американци држени како заложници во американската амбасада во 1979 година во Техеран.
Тој рече дека Иран се заканува со одмазда бидејќи Америка „го ослободила светот од терористички лидер, кој претходно убил еден Американец и сериозно повредил повеќе луѓе, како и многу други, меѓу кои и стотици ирански демонстранти неодамна“.
„Тој (Сулејмани) веќе ја напаѓа нашата амбасада и се подготвува за нови напади на други локации. Иран со години не беше ништо друго освен проблем“, напиша Трамп на Твитер.
