Невообичаено остра критика на првиот човек на Институтот за комуникациски студии Жанета Трајкоска по сечењето на дрва на локација во Аеродром за изградба на нов станбен и деловен објект.
“Нема асален градоначалник во Скопје, нема! Сите вие калкулирате со урбаната мафија и сте нејзини поданици #јер кеш! Никој од вас нема трошка храброст да стави точка на силувањето на градот и убивањето на своите граѓани.
Нема никаква разлика меѓу вас и вашите претходници. Популизам, шминка и дебели интереси со многу пари”, пишува Трајковска на социјалните мрежи.
“Единствено различно е што најголем дел од нас граѓаните, се однесуваме како да сме удрени со балван по глава па не гледаме што се случува, тргаме поглед, се правиме наудрени, слепи и неми, оти сме ве гласале, оти чекаме да се акомодирате на фотељите, оти сте дошле после потоп, оти името треба да се реши, оти сме направиле пакт со себе да ќутиме #јер не сакаме ВМРО да се врати, оти сме понижени пред изгубената последна надеж и лагата дека не се сите исти. Тонеме во уште поголемо ѓубре и поголем хаос. Чест на малите чекори на некои градиначалници ама никој од вас не покажа минимум интегритет, доблест, храброст и чесност за да стане татко во својата општина.
Сите сте исти!”, смета екс новинарката која важеше за жесток критичар и на предходните државни и локални власти.
Теајковска апелира “сите ние да го извадиме коњското сенило што не тера да гледаме само пред нас и да погледнеме околу нас и да се соочиме со гнасната, бетонска, загадена и узурпирана вистина дека сите вие сте неспособно исти!”.
