Претседателот на народна партија, Вук Јеремиќ, на „Твитер“ објави дека поранешниот британски премиер Тони Блер „се вратил“ во Белград.
Јеремиќ објави фотографија на поранешниот британски премиер сликан во Белград и притоа искоментира „Ѓаволот дојде по своето“.
Тони Блер беше британски премиер во времето на НАТО интервенцијата врз Србија во 1999 година.
Б92 потсетува дека ова не е прва посета на Блер, односно дека тој во 2015 година бил во Белград каде имал едночасовно предавање за министрите од тогашната влада.
