Ексдиректорот на УБК, Сашо Мијалков е осуден на казна затвор од две години, а лидерот на ДПА, Мендух Тачи, исто така доби казна затвор од две години на овтореното судење за предметот „Титаник 2“ кој се однесува на изборни нерегуларности сторени на изборите во 2013 година.
Судиите Огнен Ставрев и Осман Шабани ги ценеле сите олеснителни и отежителни околности и ги огласи сите осомничени за виновни.
Од поранешните членови на ДИК, кои добија преквалификација на дело и сега се гонат за повреда на избирачко право, на Бедредин Ибраими му е изречена казна затвор од две години, исто како и Влатко Сајковски, Сашо Срцев и Анита Стефановска кои добија казна затвор од две години.Судот е на мислење дека никогаш и никаде, не смее неправото да биде над правото. Обвинетите направиле директна повреда на изборното право во интерес на своите партиски интереси, со директна и умислена повреда“, меѓудругото кажа судијата Ставрев.
Сите обвинети и на повтореното судење негираа вина.
Сашо Мијалков и Мендух Тачи се гонат за поттикнувачки дејствија, додека тогашните членовие на ДИК дека поништиле гласање по нивна насока.
Апелација ја укина пресудата во декември 2019 година. Од тогаш до декември 2022 година предметот се суди уште во Кривичен суд.
Ова би значело дека е скоро невозможно за четири месеци, пред делото на Мијалков да застари, да се донесе правосилна одлука судска одлука.
Во предметот „Титаник 2“ извесно е застарување на делото „примање награда за противзаконито влијание“ за кое е обвинет Мијалков, веќе во април годинава. Ако Апелација не донесе одлука за овој предмет до април, Мијалков ќе биде ослободен од вина.
За останатите обвинети меѓу кои и Тачи, делата не застаруваат во скоро време.
