Свиркачот кој ги обелодени манипулациите со референтната каматна стапка во Дојче Банк беше награден со околу 200 милиони долари од страна на Комисијата за тргување со стокови фјучерси (CFTC). Исплатата од 200 милиони американски долари е најголемата според програмата за свиркачи воспоставена со закон – која ги вклучува CFTC, Комисијата за хартии од вредност и Службата за внатрешни приходи.
Според наводите на Фајненшл тајмс, исплатата на сметката на поранешниот вработен во Дојче Банк е извршена за навремени и релевантини информации кои значително придонеле за веќе отворената истрага, во соработка на меѓународно ниво.
CFTC не го идентификуваше лицето, нивниот работодавач или сродните регулаторни мерки. Но, поединци запознати со ова прашање рекоа дека наградата се однесува на порамнување од 2,5 милијарди американски долари што го платила Дојче банк по регулаторната истрага за манипулацијата со Либор, референтна каматна стапка што беше утврдена од банкарите пред една деценија. Barclays, Deutsche Bank и Societe Generale беа меѓу банките кои постигнаа договор со CFTC и други агенции во врска со скандалот.
