Неколку недели по продолжениот викенд во Дубаи Вицепремиерот за борба против корупција и криминал, за одржлив развој и човечки ресурси Љупчо Николовски ќе вработува 10 луѓе во својот тим за да може да води сериозна борба против корупцијата.
Николовски на својот фејсбук профил објави дека Владата објавила оглас за вработување на 10 лица кои со својата експертиза и посветеност ќе му се приклучат во борбата против корупцијата.
„Сузбивањето на корупцијата и криминалот, бара максимална екипираност и посветеност. За таа цел, за потребата од сериозна борба против корупцијата денеска објавивме оглас за вработување 10 лица. Идните членови на тимот, ќе помогнат во креирањето и реализацијата на системски мерки за спречување и искоренување на оваа појава. Нашата цел е да го вклопиме искусниот кадар со нови, прогресивни, енергични и високоедуцирани млади луѓе кои се подготвени несебично да придонесат во создавањето коренити промени во македонското општествено делување“ стои во статусот на вицепремиерот Николовски.
Николовски ветува дека луѓето тимот ќе бидат избрани низ транспарентен и правичен процес.
„Ги повикувам сите професионалци кои имаат желба и знаење да придонесат во борбата против корупцијата и да станат дел од историските процеси, да се пријават на овој оглас. Сега е вистинскиот момент за исчекор напред. Оваа генерација има шанса да ја предводи таа предизвикувачка и комплексна борба“, вели Николовски.
Еден од оние што се сега слободни и што можат да аплицираат е и екс генсекот на владата Драги Рашковски кој си даде оставка од местото сиврник за стратешки проекти во кабинетот на Заев.
