В.Д. министерот на одбрана на Бугарија вели дека нема тајна одлука на Кабинетот за испраќање бугарска војска во Украина.
„Оваа информација е лага која се шири во предизборната кампања“, изјави министерот за одбрана Димитар Стојанов за Нова ТВ.
Тој беше дециден дека Владата само ја почитува одлуката на парламентот, а тоа е да испрати воени лица на обука во земја членка на ЕУ.
„Бугарија ќе испрати тренинг тим во Полска“, објасни Стојанов.
„За да се испратат војници во Украина, мора да има одлука на Националното собрание, кабинетот не донесе таква одлука и нема таква тајна одлука“, повтори тој.
