Министерот за економија на Србија, Раде Баста, синоќа предложи да се урне основното училиште „Владислав Рибникар“ во Белград во кое минатата недела се случи масакар кога 13-годишник уби 8 соученици, чувар на училиштето и рани една професорка.
„Повикувам на единство на власта и опозицијата на местото на училиштето да се изгради спомен-парк за жртвите од училиштето за да остане нивниот спомен засекогаш.
Да се урне сегашното училиште, а некаде во близина да се изгради ново училиште“, напиша Баста на Инстаграм“, пренесува „Нова рс.
Претходно и професорка од училиштето побара кабинетот во кој се случи злосторството никогаш повеќе да не се користи, а часовите по историја да се одржуваат во парк.
Предлогот на министерот Баста дојде во исто време со веста од РТС според која, Милена Васиќ, член на советот на родители на ова училиште, изјави дека децата сакаат да се вратат на училиште, но не и на тоа место.
Учениците денеска треба да вратат во училниците една недела по трагедијата…
Во основното училиште „Владислав Рибникар“ се случи невиден масакр кога ученик уби осум деца и чувар, а повреди уште шест соученици и наставник по историја.
