„Нашата позиција е тешка, ужасно комплицирана, со изјавите на претседателот Путин уште повеќе“, изјави српскиот претседател Александар Вучиќ за медиумите во Берлин, каде се сретна со германската министерка за одбрана, Анален Бербок.
За војната во Украина и позицијата на Србија, која е „помеѓу два огна“, тој рече дека не по вина на Белград, ситуцијата станала многу тешка и притисокот врз Србија е голем.
Запрашан дали Србија ќе направи пресврт во политиката токму поради овие притисоци, тој рече дека Србија е на патот на евроинтеграциите и не отстапува од тој пат.
„На третиот ден од нападот на Украина ги објавивме нашите стратешки позиции и колку и да се тешки и комплицирани да се бранат од сите оние кои ве принудуваат да бидете дел од глутницата, од која било страна, Србија е со истиот став 71 ден“, рече Вучиќ.
Тој рече дека не го криел српскиот став на разговорите во Берлин вчера и дека зборувал отворено и праведно.
„Ние ќе продолжиме да си ја работиме работата, утре ќе зборувам за сите последици од нашата позиција, за сите проблеми и каков ќе биде нашиот одговор по тоа прашање“, заклучи тој, обраќајќи се на српските медиуми, додавајќи дека ќе разговара со политичките партии. во почетокот на јуни.да се консултира за тоа што мислат луѓето.
