Според ликовите и пораките, „жешка средба“ на амбасасорот на ЕУ во ВМРО-ДПМНЕ

Според пораките и ликовите на учесниците на средбата меѓу ЕУ амбасадорот во Скопје и лидерот на ВМРО-ДПМНЕ разговорот не минал во многу пријатна атмосфера.



Лидерот на ВМРО-ДПМНЕ Христијан Мицкоски по средбата со амбасадорот на ЕУ објави дека на европскиот дипломат му пренесол дека не е европски Македонија да биде уценувана со својот идентитет за да почне преговори со Унијата.

“На средба со претставникот на ЕУ во Македонија Дејвид Гир (@AmbassadorEU) посочив дека не е европски Македонија да се условува за јазикот, идентитетот и историјата, кои се дел од личната карта на еден народ. Имаме право на своите идентитетски обележја.

Алармирав на сѐ поголемиот хаос во државата создаден од Заев, на кој му е поважен партискиот рејтинг и бизнисот на фирмите блиски нему одошто државата.

Лошото справување со здравствената криза се докажува со огромниот број починати и заразени, a здравствениот систем е пред колапс”, напиша Мицкоски по средбата.

Лидерот на опозицијата не открива каков одговор добил од Гир ниту пак амбасадорот на ЕУ досега не објави твит за средбата со Мицкоски и потпретседателот Александар Николовски.