Ако се суди по изјавата на медијаторот Метју Нимиц, денешната средба во Виена со македонскиот министер за надворешни работи Никола Димитров и со шефот на грчката дипломатија Никос Коѕијас не донесе ништо посебно во однос на разликата за името на Македонија.
„Како што знаете, овие состаноци продолжуваат веќе неколку месеци, интензивирајќи ги разговорите меѓу двете страни под покровителство на генералниот секретар.
Денеска се сретнавме со неговата екселенција, г-дин Никос Коѕијас, министер за надворешни работи на Грција, и со г-дин Никола Димитров, министер за надворешни работи на поранешната југословенска Република Македонија.
Имавме неколку средби, па ги знаеме прашањата многу добро. Двајцата министри зборуваат со авторитет. Разговаравме за отворените прашања меѓу страните, кои се занимавајќи се со прашањето за ‘името’. Тоа беше интензивна дискусија, многу срдечна во лична смисла. Двете страни се многу посветени на постигнување решение. Процесот ќе продолжи и во наредните недели. Ви благодарам многу“, изјави Нимиц.
Димитров и Коѕијас не дадоа изјави за новинарите по тричасовната средба.
