Прашан за застапеноста на Албанците во специјалната антитерористичка единица „Тигар“, министерот за внатрешни работи Оливер Спасовски во емисијата „Прав пат“ на Алсат-М рече дека не е важна етничката припадност, туку дека кандидатите мора да ги исполнуваат условите за оваа елитна единица.
„Од сите кандидати што се појавија, само еден беше Албанец. Тој ги почна тестовите и стигна до прелиминарните проверки, но бидејќи не знаеше да плива, не можеше да продолжи“, рече Спасовски.
Тој додаде дека тука не може да има импровизации, па затоа „не можете да направите никакви отстапки“.
