Од утре сите институции ќе стапат во контакт со нашите соседи да најдеме заедничко решение за признавање на ПЦР тестовите и тестовите за антитела, изјави денеска министерот за економија Крешник Бектеши.
Тој рече дека ќе преговараат со сите соседи за взаемно признавање на тестовите и да ги прифатат Ковид пасошите.
Ова беше одговорот на новинарско прашање зошто се одложуваат разговорите со Грција, откако Белград и Атина се договорија граѓани на Србија да можат да влегуваат во Грција и со негативен ПЦР тест и со тест за антитела.
Министерот рече дека засега не се преговара, но тоа не значи дека нема да се преговара во иднина.
