Сомнеж за организирана мрежа за рекет составена од истражители на АНБ кои биле отстапени на обвинителството уценувала познати скопски бизнисмени, открива Нетпрес.
Луѓе од АНБ креирале фиктивни кривични пријави и со истите биле уценувани познати сопственици на компании. Еден од нив настапил со обележани пари при што во моментот дознаваме дека е приведено лицето Михаил Младеновски кој настапувал пред уценуваните жртви. Истиот е уапсен во ресторанот Оливе во Карпош со 5 илјади евра поткуп, објавува порталот.
Воедно во таквата мрежа бил вклучен и истражителот Вилијам Шекл кој се сомничи дека е еден од организаторите на групата.
Истражителите на обвинителството според порталот ја користеле својата позиција и линковите со АНБ за да бидат уценувани жртвите.
Во моментот Вилма Рускоска бара запленување на компјутерите на вклучените лица од АНБ, на што Виктор Димовски се спротивставувал.
Во повидок е нов скандал во кој се вклучени лица од разузнавањето и власта на СДСМ, се вели во информацијата на Нетпрес.
Предходно со сомнителна службена белешка од АНБ беше притворен бизнисменот Орце Камчев кој се уште е во притвор во Шутка.
