„Во услови на заевизам, секој ден носи нова лага. Лагата е неговата природна состојба. Можеби треба за нив да измислиме Ден на Вистината? Бидејќи, кај нас „ѓаволот ја однесе шегата“.
За да искрените насмевки потраат, за да не нѐ вбројуваат меѓу најнесреќните нации во светот, мораме заедно да ставиме крај на добата на лагата. Времето е дојдено! Ако не сега, кога?- порача преку нејзиниот Фејсбук профил професорката Гордана Силјановска Давкова.
Кандидатката за претседател на државата, кампањата ја почнува вечерва од Охрид каде што синоќа ја посети куѓата во која била родена.
