Во првиот ден од новата година централна Јапонија и нејзиниот западен брег беа погодени од силен земјотрес и цунами, оставајќи зад себе големи штети.
По земјотресот со јачина од 7,6 степени, јапонската метеоролошка агенција предупреди за можни следбени сеизмички активности во следната недела, со посебно внимание во следните два до три дена, кога земјата можеби би можела повторно да биде погодена со земјотрес со јачина од 7 степени.
Во оваа земја ова беше првпат да биде издадено големо предупредување за цунами од 2011 година, иако подоцна предупредувањето беше намалено.
На 11 март 2011 година, североисточна Јапонија беше опустoшена од силен земјотрес и цунами.
Скоро 20.000 луѓе загинаа, неколку населени места беа разурнати, а имаше и сериозна радиоактивност поради хаварија на нуклеарните реактори во централата Фукушима.
Цунамито го опустоши источниот брег на Јапонија, носејќи цели градови и бродови внатре. Тогаш имаше повеќе од 50 земјотреси, од кои седум беа со јачина најмалку 6,3 според Рихтеровата скала.
