Амбасадата на Шведска во Скопје отвори конкурс за позицијата „Амбасадорка на ден“.
„Дали сте девојка на возраст над 15 години и сте заинтересирани да станете шведска амбасадорка на еден ден? Сериозно се грижите за родовата еднаквост, еднаквите можности за жените и девојките, како и за ставање крај на насилството врз жените и девојките.? Сакате да дознаете повеќе за тоа како можете да направите промена? -се вели во „конкурсот’ објавува „Независен“.
Од кандидатката се очекува да ја следи амбасадорката во текот на целиот ден, да присуствува на состаноци, да соработува со персоналот на Амбасадата и да учествува во целокупните дневни активности на Амбасадата.
На крајот од работниот ден, ќе даде краток извештај за работата што ја завршил. Работа ќе започне во 08:30 часот и ќе заврши во 16:30 часот.
Краен рок е 10-ти ноември, а пријавувањето се прави преку е-пошта на: ambassaden.skopje@gov.se со наведување: Апликација за конкурсот #GirlsTakeOver за „Амбасадорка на еден ден“.
Успешната кандидатка ќе биде известена во текот на месецот декември, а од неа се очекува да ги изврши своите должности во текот на Денот на жената – 8 Март, објавува „Независен“
