Состанокот на Комисијата за заразни болести е презакажан за утре, изјави за МИА министерот за здравство Венко Филипче.
Комисијата за заразни болести денеска требаше да одржи состанок, на кој требаше да биде разгледана состојбата со коронавирусот, врз основа на што ќе одлучи дали ќе има дополнување на рестриктивните мерки за заштита од вирусот.
Зошто Комисијата чека 24 часа за состанок кога Македонија се соочува со над 40 мртви од Ковид-19 засега нема официјално објаснување.
