Поранешниот германски канцелар, Герхард Шредер, одби да ги прекине контактите со рускиот претседател Владимир Путин и тоа го изјави во интервју за „Франкфуртер алгемајне цајтунг“.
„Нема да се откажам од можноста да разговарам со претседателот Путин“, рече тој.
Герхард Шредер беше критикуван во Германија за неговите врски со Русија. На почетокот на март, канцеларот Олаф Шолц го повика да се повлече од сите позиции во руските државни компании.
Шредер приморан да го напушти Роснефт
Во тоа време, Шредер беше претседател на одборот на директори на Роснефт, а исто така е и претседател на акционерскиот комитет на Северен тек 2 АД.
Во мај, Шредер поднесе оставка од бордот на директори на Роснефт и исто така ја одби понудата да се приклучи на одборот на директори на Гаспром.
Берлин му ги укинува привилегиите на бившиот канцелар
Претходно, германскиот министер за финансии Кристијан Линднер повика да престане државната поддршка за Шредер, велејќи дека е незамисливо поранешниот канцелар да продолжи да живее од парите на даночните обврзници.
Во мај, Бундестагот ја суспендираше работата на кабинетот на Шредер. Телевизискиот канал АРД прецизираше дека со тоа и официјално се прекинати овластувањата на поранешниот канцелар.
