Извори кои сакаат да останат анонимни, до нас доставија информација за директорот на ДБКИ (Дирекција за Безбедност на Класифицирани Информации), односно за г – динот Стојан Славески (кадар на ЛДП).
Ова денеска го обелодени полковникот Драган Ковачки сега член на извршниот комитет на ВМРО-ДПМНЕ кој открива дека против директорот вече се води истрага.
,,Имено, против директорот имало покренато обвинение за земање пари (мито) за испраќање на луѓе на дипломатска мисија во Брисел, како и за земање на пари (мито) за издавање на безбедносни сертификати.
Јавно го прашувам премиерот Ковачевски чијшто подреден е директорот на ДБКИ, дали знае дека против г-динот Стојан Славески е поведена постапка за утврдување на негова кривична одговорност и дали и на колку лица им е земено мито за испраќање во мисија и издавање на безбедносни сертификати?
Доколку знае, што преземал до сега и зошто досега не е разрешен Директорот на ДБКИ?
Ковачевски, има ли дел од системот што со алчноста на Вашите кадри и со Вашата неспособност не го разрушивте?”, прашува Ковачки.
До вечерва владата не одговорила на прашањето од Ковачки.
