Шеесетиназ новинари од петнаесетина странски медиумски куќи ќе известуваат од денешните предвремени парламентарни избори во Македонија.
Меѓу акредитираните 57 странски новинари, најбројна екипа од 18 новинари испраќа Ал Џезира Балкан, а свои тимови или новинари ќе имаат и Ројтерс, Франс прес, Гласот на Америка, Асошиејтед прес, грчката национална телевизија ЕРТ, новинската агенција АНА-МПА, Њуз247, германската АРД, Европската фото прес-агенција – ЕПА, Турската радио-телевизија, агенцијата Анадолија, Еуро њуз Албанија, Радио-телевизија Косово, Би-би-си Србија и Ал Џезира на англиски јазик.
Повеќе странски медиуми ќе известуваат за изборите преку свои дописници во земјава.
За мониторинг на изборите, акредитации од ДИК добија вкупно 2.551 домашни и 158 меѓународни набљудувачи и преведувачи.
