Седум лица загинаа откако џамија полна со верници се урна во петокот во северниот град Зарија во Нигерија, во државата Кадуна, а неколку други беа повредени, јави Ројтерс.
Портпаролот на советот на Зариа Емирати, Абдулахи Кварбаи, рече дека инцидентот се случил додека стотици верници биле на попладневната молитва во централната џамија во градот.
„Првично беа пронајдени четири тела, а потоа уште три беа пронајдени откако спасувачкиот тим ја пребара урнатата џамија“, рече тој.
Уривањата на зградите се чести во најнаселената африканска земја, каде прописите се слабо спроведени, а градежните материјали често се супстандардни.
