Според СДСМ градоначалниците на ВМРО-ДПМНЕ во првите два и пол месеци од мандатот освен што вршат партизација, не сработеле ништо во интерес на граѓаните и општините.
,,Не ги исполнија ветувањата пред граѓаните, нема ниту еден сопствен реализиран проект од нивната програма.
Граѓаните сведочеа само на прекинување на проекти, кршење на закони, трошење народни пари на чоколади и сокови.
Во секоја општина предводена од градоначалници на ВМРО-ДПМНЕ има назадување и неработа.
Наместо проекти и решенија, градоначалниците на ВМРО-ДПМНЕ ги игнорираат проблемите и го кочат развојот на општините.
Граѓаните не заслужуваат вакви неспособни и неодговорни градоначалници”, пишува во соопштението на СДСМ во кое не се зборува за долговите што ги оставија нивните градоначалници што загубија во Октомври ниту се анализира работата на градоначалниците на оваа партија.
