Апелациониот суд во Париз денеска го осуди поранешниот француски претседател Никола Саркози на три години затвор, од кои една година ефективна, под обвинение за корупција и трговија со влијание, пренесе „Франс прес“.
Ова е казна без преседан за поранешен шеф на француската држава.
Саркози ќе мора да носи електронска алка за следење на неговото движење.
Поранешниот претседател првостепено беше осуден на 3 години затвор, од кои две години условно.
Судиите оценија дека Саркози се обидел да поткупи судија со понуда за престижна функција. За возврат, судијата требаше да обезбеди информации за истрага против партијата на Саркози.
Никола Саркози, 68-годишниот политичар, стана првиот претседател по Втората светска војна кој доби ефективна казна.
Во 2011 година, Жак Ширак исто така беше осуден за корупција, но казната од 2 години беше целосно суспендирана.
Саркози, исто така, изгуби уште еден случај во прв степен – дека користел средства за неговата кампања во 2007 година од тогашниот либиски лидер Моамер Гадафи.
Исто така, имаше обвинувања за прекумерно трошење на неговата кампања од 2012 година, кога потроши двојно повеќе од дозволеното со закон.
